پیرس (اے ایف پی)فرانس کے دارالحکومت پیرس میں قطری سفارتخانے کا سکیورٹی گارڈ پیر کے روز ایک اور شخص کیساتھ لڑائی کے دوران ہلاک ہوگیا ، قطری سفارتخانے اور فرانسیسی استغاثہ نے بتایا کہ لڑائی سفارتخانے کے سامنے مقامی وقت کے مطابق صبح 7بجے سے کچھ دیر پہلے ہوئی ۔ استغاثہ کے مطابق سکیورٹی گارڈ کی ہلاکت کی اصل وجہ جاننے کی کوشش کی جارہی ہے اور تاحال کسی ہتھیار کے استعمال کے بارے میں تصدیق نہیں ہوسکی ہے ۔ پولیس نے لڑائی میں ملوث ایک شخص کو گرفتار کرکے تفتیش کا آغاز کردیا ہے ۔