صدر مملکت ڈاکٹر عارف علوی نے ژوب میں سیکیورٹی فورسز کے آپریشن میں شہید سپاہی حق نواز کو خراجِ عقیدت پیش کیا۔
عارف علوی نے سپاہی حق نواز کے ورثاء سے اظہار تعزیت کرتے ہوئے، شہید کی خدمات اور قوم کے لیے قربانی پر خراجِ تحسین پیش کیا۔
اعلامیے کے مطابق صدر مملکت نے دہشت گردی کے مکمل خاتمے کے لیے قوم اور سیکیورٹی فورسز کے عزم کا اعادہ کیا۔
صدر مملکت نے شہید کے لیے بلندی درجات کی دعا کرتے ہوئے اہلِ خانہ سے اظہار ہمدردی کیا۔
عارف علوی نے آپریشن میں زخمی ہونے والوں کے لیے جلد صحتیابی کی دعا بھی کی۔