وزیر خزانہ محمد اورنگزیب نے نائب صدر عالمی بینک برائے جنوبی ایشیا مارٹن رائزر سے ملاقات کی اور حکومت کے ترجیحی اصلاحاتی شعبوں کا خاکہ پیش کیا۔
وزارت خزانہ کے اعلامیہ کے مطابق ملاقات میں عالمی بینک کے کنٹری ڈائریکٹر مارٹن رائزر بھی موجود تھے، وزیر خزانہ نے ان کو ملک کی معاشی صورتحال سے آگاہ کیا۔
اعلامیہ کے مطابق وزیر خزانہ نے معاشی استحکام کے لیے حکومتی کوششوں سے بھی آگاہ کیا، مارٹن رائزر نے اقتصادی اصلاحات کے لیے پاکستان کے عزم کو تسلیم کیا۔
اس موقع پر عالمی بینک نے تکنیکی و مالی مدد فراہم کرنے کے لیے تیار رہنے کا اعادہ کیا۔
مارٹن رائزر نے کہا کہ عالمی بینک توانائی شعبے میں اصلاحاتی ایجنڈا نافذ کرنے میں مدد فراہم کرے گا، عالمی بینک برآمدات کے فروغ، مائیکرو فنانس میں بھی مدد فرام کرے گا۔