عالمی شہرت یافتہ پاکستانی گلوکار عاطف اسلم نے اپنے گانوں کے بارش کے ساتھ دلچسپ تعلق کا انکشاف کیا ہے۔
عاطف اسلم نے حال ہی میں اپنی سحر انگریز آواز میں ڈرامہ سیریل’جینٹل مین‘ کا اوریجنل ساؤنڈ ٹریک ’تمہاری چُپ‘ ریکارڈ کروایا ہے جسے صارفین کی جانب سے بہت پسند کیا جا رہا ہے۔
اب اس حوالے سے گلوکار کا ایک خصوصی انٹرویو بھی لیا گیا ہے جس میں اُنہوں نے بتایا کہ ان کا یہ اوریجنل ساؤنڈ ٹریک ریکارڈ کروانے کا تجربہ کیسا رہا۔
عاطف اسلم نے بتایا کہ جب میں نے یہ گانا ریکارڈ کروایا تو اس وقت بارش ہو رہی تھی اس لیے مجھے یقین تھا کہ یہ گانا لوگوں کو پسند آئے گا۔
اُنہوں نے انکشاف کیا کہ میں نے یہ بات نوٹ کی ہے کہ جب بھی میں بارش کے دوران کوئی گانا ریکارڈ کرواتا ہوں تو وہ گانا ہٹ ہوتا ہے۔