گروپ اے سے امریکا، پاکستان اور آئرلینڈ میں کون اگلے مرحلے میں داخل ہوگا، فیصلہ آج متوقع ہے۔
لاڈرہل فلوریڈا میں آج آئرلینڈ اور امریکا کے درمیان گروپ اے کا اہم میچ کھیلا جائے گا، یہ میچ فیصلہ کردے گا کہ اس گروپ سے سپر ایٹ مرحلے میں کون سی ٹیم جائے گی۔
بارش کی وجہ سے کھیل نہ ہوا تو امریکی ٹیم 5 پوائنٹس لے کر سپر ایٹ مرحلے میں پہنچ جائے گی۔
امریکا کی فتح بھی آئرلینڈ اور پاکستان کو سپر ایٹ کی دوڑ سے باہر کردے گی، اگر آئرلینڈ نے امریکا کو شکست دی تو پاکستان اور آئرلینڈ کے اگلے مرحلے میں پہنچنے کے امکانات بڑھ جائیں گے۔
16 جون کو ان ہی دونوں ٹیموں کے درمیان میچ ہوگا، پاکستان اگر آئرلینڈ کو شکست دینے میں کامیاب ہوا تو بہتر رن کی بنیاد پر وہ امریکا کو پیچھے چھوڑ دے گا اور اگلے مرحلے میں پہنچ جائے گا۔
لاڈرہل کے موسم کی بات کریں تو آج صبح 30 فیصد بارش کے امکانات تھے جو اب بڑھ کر 60 سے 70 فیصد ہوگئے۔
میچ میں بارش ہوئی تو بھی اسے نتیجہ خیز بنانے کے لئے دونوں اننگز میں کم از کم پانچ اوورز کا کھیل لازمی ہے، میچ کیلئے 90 منٹ کا اضافی ٹائم بھی دیا جائے گا۔