عید الاضحیٰ کے موقع پر قربانی کے جانور وں کی قیمتوں میں 100 فیصد اضافہ دیکھنے میں آیا ہے لیکن ان مہنگے ترین جانوروں کی کھالیں انتہائی سستے داموں خریدی جا رہی ہیں۔
مہنگے ترین جانوروں کی کھال سستے ترین ریٹ پر خریدنے والے بیوپاری کہتے ہیں کہ شدید گرمی میں کھالیں خراب ہونے کے خدشے کی وجہ سے قیمتِ خرید کم ہے۔
بیوپاریوں کا کہنا ہے کہ گرمی کی وجہ سے بکرے کی کھال 100 سے 150 روپے کی لے رہے ہیں، جبکہ بڑی کھال 1000 سے 1200 روپے کی خرید رہے ہیں۔
شہریوں کا مطالبہ ہے کہ عید الاضحیٰ کے موقع پر جانوروں کی قیمتوں میں ہونے والے اضافے کے تناسب سے چمڑا منڈیوں میں کھالوں کی سرکاری قیمت مقرر کی جائے تاکہ فروخت کندگان کو صحیح دام مل سکیں۔