بالی ووڈ کی معروف اداکارہ شردھا کپور نے بھارتی میڈیا پر اسکرین رائٹر راہول مودی کو ڈیٹ کرنے سے متعلق گردش کرتی خبروں کی تصدیق کر دی۔
شردھاکپور نے اپنی انسٹا اسٹوری پر راہول مودی کے ساتھ ایک سیلفی شیئر کی ہے۔
اُنہوں نے یہ سیلفی شیئر کرتے ہوئے کیپشن میں لکھا کہ’دل رکھ لے لیکن نیند تو واپس دے دے یار‘۔
واضح رہے کہ شردھا کپور کی فلم ’تو جھوٹی میں مکّار‘ جس میں اُنہوں نے اداکار رنبیر کپور کے ہمراہ مرکزی کردار ادا کیا تھا اسے راہول مودی نے لکھا ہے۔
بھارتی میڈیا کی رپورٹس کے مطابق، اسی فلم کی شوٹنگ کے دوران شردھا کپور اور راہول مودی ایک دوسرے کے قریب آئے۔
جس کے بعد گزشتہ سال شردھا کپور اور راہول مودی کو مختلف تقریبات میں ایک ساتھ دیکھا گیا اور بھارتی میڈیا پر ان دونوں کے ایک دوسرے کو ڈیٹ کرنے کے بارے میں خبریں گردش کرنے لگیں۔
یہی نہیں بلکہ ان دونوں کی ایک ساتھ چھٹیاں مناتے ہوئے تصاویر بھی سامنے آئی تھیں۔