بھارتی دارالحکومت نئی دلی ایئرپورٹ کے ٹرمنل 1 کی چھت کا کچھ حصہ گرنے کے نتیجے میں 1 شخص ہلاک جبکہ 8 زخمی ہو گئے۔
بھارتی میڈیا کے مطابق ٹرمنل 1 کی چھت شدید بارش اور ہوا کی وجہ سے گری جس کے سبب کئی گاڑیاں بھی تباہ ہوئیں۔
بھارتی میڈیا کا کہنا ہے کہ نئی دلی ایئرپورٹ کے ٹرمنل 1 سے پروازیں عارضی طور پر منسوخ کر دی گئی ہیں۔
خبرایجنسی کے مطابق دلی ایئرپورٹ کے علاقے میں آج تین گھنٹے میں 148.5 ملی میٹر بارش ریکارڈ ہوئی ہے۔