پاکستان ٹیلی کمیونیکیشن اتھارٹی (پی ٹی اے) کا کہنا ہے کہ عالمی سطح پر آئی ٹی کی بندش سے مائیکروسافٹ مشینیں متاثر ہوئی ہیں، جس کی وجہ پاکستان میں مائیکروسافٹ کے صارفین کو بھی مشکلات کا سامنا کرنا پڑ رہا ہے۔
پی ٹی اے کا کہنا ہے کہ کراؤڈ اسٹرائیک میں خرابی کے باعث عالمی سطح پر آئی ٹی کی بندش ہوئی، آئی ٹی بندش سے دنیا بھر میں ونڈوز کی ہزاروں مشینیں متاثر ہوئیں۔
پاکستان ٹیلی کمیونیکیشن اتھارٹی کا کہنا ہے کہ خرابی کے باعث متاثرہ پی سی اور سرورز اسٹارٹ اپ کے بچاؤ کےلیے ریکوری بوٹ لوپ میں چلے گئے، ریکوری بوٹ لوپ میں جانے کے باعث کچھ انٹرنیٹ خدمات بھی متاثر ہوئیں۔
پی ٹی اے کا کہنا ہے کہ کراؤڈ اسٹرائیک کی ویب سائٹ کے مطابق خرابی کو درست کر دیا گیا ہے، صارفین سپورٹ پورٹل سے سافٹ ویئر کو ری اسٹور کرتے ہوئے اپ ڈیٹ کریں۔