پاکستانی معروف سینئر اداکارہ صبا فیصل نے اپنی بیٹی کے ہمراہ نئی تصویریں شیئر کی ہیں۔
صبا فیصل نے گزشتہ شب اپنی بیٹی، سعدیہ فیصل کے ہمراہ مکمل حجاب میں خوبصورت تصویریں شیئر کرتے ہوئے بتایا ہے کہ وہ عمرے کی ادائیگی کے لیے روانہ ہو رہی ہیں۔
پوسٹ کے کیپشن میں صبا فیصل نے لکھا ہے کہ ’عزت اور ذلّت صرف میرے رب کے ہاتھ میں ہے، اللّٰہ ہم سب کے لیے آسانیاں پیدا فرمائے، اپنی پیاری بیٹی کے ساتھ مبارک سفر پر جارہی ہوں، عبادت قبول ہو۔‘
یاد رہے کہ اس سے قبل اداکارہ نے اپنی بیٹی، دونوں بہوؤں اور خاندان کی دیگر خواتین کے ہمراہ انسٹاگرام پر تصویریں شیئر کی تھیں۔
ان تصویروں کو کیپشن دیتے ہوئے صبا فیصل نے لکھا تھا کہ ’میں اپنی خوبصورت لڑکیوں کے ساتھ۔‘