کراچی(طاہر عزیز…اسٹاف رپورٹر)میئر کراچی مرتضیٰ وہاب جو ان دنوں امریکا کے دورے پر ہیں 3اگست کو وطن واپس پہنچیں گےوہ 22 جولائی کو روانہ ہوئے تھےوزیر بلدیات سعید غنی بھی گزشتہ 8روز سے ملک میں نہیں ہیں ان کے ترجمان نے رابطہ کرنے بتا یا کہ وہ چین کسی سرکاری میٹنگ میں شرکت کے لئے گئے ہیں تاہم ذرائع کا کہنا ہے کہ صدر پاکستان آصف علی زرداری نے دو ہفتے قبل انہیں اسلام آباد طلب کر کے کراچی میں ہر بار بارشوں کے بعد پیدا ہونے والی صورتحال پر بریفنگ لینےکے بعد انہیں ہدایت کی ہے کہ دنیا کے دیگر بڑے شہروں کی طرح کراچی میں برساتی پانی جمع کرنے کے لئےسڑکوں کے نیچے اسٹوریج(کنڈیوٹ) بنائے جائیں اس سے ایک تو سڑکوں سے برساتی پانی کی فوری نکاسی ہو سکے گی اور جمع کیا جانے والا پانی استعمال میں لایا جا سکے گا جبکہ شہریوں کو بھی ٹریفک جام اور دیگر مشکلات کا سامنا نہیں کرنا پڑے گا۔