وزیراعظم شہباز شریف جناح میڈیکل کمپلیکس کی جلد تعمیر کےلیے اقدامات یقینی بنانے کی ہدایت کرتے ہوئے کہا ہے کہ جناح میڈیکل کمپلیکس کو ٹرسٹی سطح کا جدید اسپتال بنایا جائے۔
وزیراعظم کی زیر صدارت جناح میڈیکل کمپلیکس پر جائزہ اجلاس ہوا، جس میں جناح میڈیکل کمپلیکس کے ماسٹر پلان اور منصوبے کی تعمیر پر پیشرفت سے آگاہ کیا گیا۔
بریفنگ کے دوران بتایا گیا کہ جناح میڈیکل کمپلیکس کو ٹرسٹ بنایا جائے گا جو اسپتال کے انتظامی امور کو دیکھے گا۔
اس موقع پر وزیر اعظم کا کہنا تھا کہ جناح میڈیکل کمپلیکس کے ماسٹر پلان کی تیاری، تکنیکی معاونت اور طبی آلات کیلئے بین الاقوامی شہرت یافتہ ماہرین کی خدمات لی جائیں۔
انہوں نے کہا کہ ہم نے پنجاب میں بین الاقوامی معیار کا پی کے ایل آئی اسپتال بنایا، جس پر خوب سیاست کرکے اسے تباہ کرنے کی مذموم سازش کی گئی۔