امریکی وزیر خارجہ جان کیری نے کہا کہ شام کےمعاملے پرروس کے ساتھ معاہدے کے قریب پہنچےہیں تاہم روس کےساتھ معاہدے کے لیے جلد بازی نہیں کریں گے۔
امریکی وزیر خارجہ نے اپنے روسی ہم منصب سے ملاقات کو اہم قرار دیتے ہوئے کہا کہ روسی وزیرخارجہ کےساتھ طویل ملاقات تعمیری اورنتیجہ خیز رہی۔
سویٹزرلینڈ کے شہر جنیوا میں دونوں ہم منصب نے طویل ملاقات کی جس کے بعد نیوز کانفرس میں روس کے وزیر خارجہ کا کہنا تھا کہ اب بھی چندمسائل امریکا کےساتھ بات چیت سےحل کرنےکی ضرورت ہے۔
جان کیری کا کہنا تھا کہ تیکنیکی ٹیموں کےدرمیان جینوا میں ملاقات آئندہ چندروزتک جاری رہےگی۔