بالی وڈ کنگ شاہ رخ خان کے لیے ہرن کے چمڑے سے چپل کی تیاری کا معاملہ معمہ بن گیا ہے ۔ تحقیقات کے دوران چمڑا بظاہر گائے کا لگتا ہے جبکہ اس پر شبہ ہرن کے چمڑے کا کیا جارہا ہے۔
دو روزقبل محکمہ وائلڈ لائف حکام نے پشاور کی نمک منڈی میں مشہور چپل ساز جہانگیرکی دکان پر چھاپہ مارا اور شاہ رخ خان کے لیے تیار ہونے والی چپل کا مٹیریل قبضے میں لے کر معائنے کے لیے بھیج دیا گیا۔
شبہ ہے کہ دکاندار نے پابندی کے باوجود چپل کی تیاری میں ہرن کا چمڑا استعمال کیا ہے، حکام کا کہنا ہے کہ چمڑا بظاہر گائے کا لگتا ہے۔