کراچی میں سخی حسن قبرستان کو رینجرز نے گھیرے میں لے لیا ہے۔ ذرائع کے مطابق کارروائی اسلحہ چھپائے جانے کی اطلاع پر کی جارہی ہے۔
ذرائع نے بتایا ہے کہ رینجرز کے ساتھ حساس ادارے کے اہلکار بھی موجود ہیں اور مذکورہ کارروائی گرفتار ملزمان کی نشاندہی پر کی جارہی ہے۔ اس وقت قبرستان کے اطراف اسنیپ چیکنگ کا سلسلہ بھی جاری ہے۔
ذرائع جیو نیوز کے مطابق رینجرز کی جانب سے کسی شخص کو یہاں غیر ضروری طور پر رکنے نہیں دیا جارہا ہے۔