لاہور کے جناح اسپتال میں بغیر کسی پیشگی اطلاع کے کسی بھی ہنگامی صورتحال سے نمٹنے کی مشق کرائی گئی ،جس کےدوران ڈاکٹرز ، نرسز اور مریضوں کے ساتھ آئے لواحقین کی دوڑیں لگ گئیں۔
ہنگامی صورتحال کی اطلاع ملنے پرمسیحا مریضوں کو جبکہ لواحقین اپنے پیاروں کو چھوڑ کر بھاگ کھڑے ہوئے، بغیر اطلاع ان مشقوں پر ڈاکٹروں اور پیرامیڈیکل اسٹاف میں شدید غصہ پایا جاتا ہے۔
اس صورتحال کے بعد ڈاکٹروں اور دیگر عملے نے کام پر واپس جانے سے انکار کردیا، تاہم اسپتال انتظامیہ کی جانب سے واپس آنے کےلیے منت سماجت کرنے پر وہ اپنی ڈیوٹیوں پر واپس آئے۔