اسپاٹ فکسنگ کیس میں معطل کرکٹر خالد لطیف اینٹی کرپشن ٹریبونل میں حتمی تحریری دلائل دینے پر آمادہ ہو گئے ہیں ۔
اینٹی کرپشن ٹریبونل نے خالد لطیف کو دلائل جمع کرانے کے لیے دو بار مہلت دی ، اب ٹریبونل نے 22اگست کی تاریخ مقرر کی ۔
ذرائع کا کہنا ہے کہ خالد لطیف کے وکیل بذریعہ کوریئر حتمی تحریری دلائل بھجوا رہے ہیں ۔ دلائل میں خالد لطیف نے اپنے پرانے مؤقف کو ہی دہرایا ہے ۔
انہوں نے پھر مؤقف اختیار کیا ہے کہ ٹریبونل کی کارروائی قانون کے مطابق نہیں ، جانبداری کا مظاہرہ کیا گیا ہے، گواہان سے جرح نہیں کرنے دی گئی جبکہ گواہان کے بیان بھی تصدیق شدہ نہیں ہیں ۔