امریکی ریاست میری لینڈ کے جوائنٹ بیس پر دلچسپ ائیر شو کا انعقاد کیا گیا جس میں امریکی ہوابازوں نے شاندار کرتب دکھا کر شائقین سے خوب داد وصول کی۔
اس منفرد اور دلچسپ ائیر شو کے دوران طیاروں نے فضا میں ہزاروں فٹ کی بلندی پر شاندار کرتب بازی اور اسٹنٹس کا مظاہرہ پیش کیا جس نے وہاں موجود ہزاروں لوگوں کو دنگ کردیا۔
امریکا کے 'تھنڈر برڈز نامی جانباز پائلٹوں نے جہازوں کو فضا میں اونچائی اور نیچائی کی طرف تیزی سے لیجانے سے لے کر جہازوں کو گھمانے اورقلابازیاں دینے کے شاندار اسٹنٹس پرفارم کئے اور وہاں موجود لوگوں سے خوب داد وصول کی۔
اس ائیر شو کے موقع پر سینکڑوں کے قریب شائقین کی تعداد موجود تھی جو اس ائیر شو سے خوب لطف اندوز ہوتے دکھائی دئیے۔