وزیر اعظم شاہد خا قان عباسی آج ترکی کے دورہ پر روانہ ہوں گے جہاں وہ ڈی ایٹ سر براہ کا نفرنس میں پاکستانی وفد کی قیادت کریں گے جو 20 اکتوبر کو منعقد ہوگی۔
وزیر خارجہ خواجہ آصف 17ویں وزارتی کونسل کے اجلاس میں شرکت کریں گے۔ یہ آٹھ ترقی پذیر ملکوں کی نویں سر براہ کا نفرنس ہے جن میں بنگلہ دیش ، مصر، انڈو نیشیا، ایران ،ملائشیا، نا ئیجر یا ، پاکستان اور ترکی شامل ہیں۔
اس وقت صدارتی نشست پاکستان کے پاس ہے جسے2012 میںاسلام آ باد میں ہونے والی ڈی ایٹ کانفرنس میں صدر چنا گیا تھا۔وزیر اعظم شاہد خا قان عباسی کانفرنس کی چیئرمین شپ ترکی کے سپرد کریں گے۔
ڈی ایٹ کانفرنس کے قیام کو بیس سال ہو گئے ہیں۔کانفرنس اعلامیہ کی منظوری دے گی۔وزیر اعظم شاہد خا قان عباسی اس موقع پر کانفرنس میں شریک سر بر اہان مملکت وحکومت سے دو طرفہ ملا قاتیں بھی کریں گے۔