پیمرا نے اپنے ضابطہ اخلاق کے حوالے سے لاہور میں صحافیوں کے لیے ایک ورکشاپ منعقد کی، جس میں کوریج کے دوران پیشہ وارانہ اوراخلاقی ذمہ داریوں کے بارے میں آگاہ کیا گیا۔
پیمرا کی میڈیا کنسلٹنٹ سعدیہ اور لیگل ہیڈ پنجاب طاہر تارڑ نے لاہور پریس کلب میں لیکچر دیا۔
ان کا کہنا تھا کہ ضابطہ اخلاق کے مطابق الیکٹرانک میڈیا پر مذہب،فوج ، عدلیہ ،جمہوریت اور وفاق کے خلاف خبر نشر نہیں ہوسکتی، غیراخلاقی اور نفرت انگیز مواد بھی نشر نہیں کیا جاسکتا۔
انہوں نےکہا کہ جرائم اور واقعات کی حقائق کے مطابق رپورٹنگ کی جائے، زیادتی کے شکار ہونے والوں کے نام اور تصاویر نہ دکھائی جائیں۔
طاہر تارڑ نے یہ بھی کہا کہ عوام کی شکایات پر غیر ذمہ دار چینلز کے خلاف کارروائی کی جاتی ہے، بعض اوقات عدالتوں کے حکم امتناعی کا بھی سامنا کرنا پڑتا ہے۔