فرانس نے شام میں بمباری روک کر متاثرہ افراد کے لئے امدادی سامان پہنچانے کی خاطر راہداریاں محفوظ بنانے کا مطالبہ کردیا ہے۔
فرانس کے وزیر دفاع فلورنس پارلی نے ریڈیو انٹرویو کے دوران اس بات کا مطالبہ کیا کہ شام کے علاقے ادلب اور مشرقی غوطہ پر بمباری کا سلسلہ فوری طور پر بند کیا جائے۔
انہوں نے واضح کیا کہ شام کے حالات اور واقعات کی نگرانی کی جا رہی ہے کیونکہ بمباری کے نتیجے میں عام شہریوں کی ہلاکتوں میں مسلسل اضافہ ہورہا ہے۔
انہوں نے یہ مطالبہ بھی کیا ہے کہ انسانی ہمدردی کے تحت فراہم کی جانے والی امداد کے راستے کو بھی محفوظ بنانے کی ضرورت ہے۔