تحریک انصاف کے ترجمان فواد چودھری کا کہنا ہے کہ عدالت نےاپنے فیصلے کے ذریعے ریگولیٹر کو جھنجھوڑا ہےجبکہ نوازشریف اور مریم نواز کی تقاریرکےبارےمیں ہائیکورٹ کا فیصلہ درست ہے۔
لاہورہائیکورٹ کے فیصلے پر اپنا ردعمل دیتے ہوئے پی ٹی آئی کے فواد چودھری کا کہنا تھا کہ ریاست اوراداروں کے خلاف ناقابل قبول ن لیگی مہم آج کےفیصلےکی بنیادبنی جبکہ نواز شریف اور مریم نواز کی عدلیہ مخالف مہم ہر لحاظ سے قابل گرفت ہے۔
انہوں نے مزید کہا کہ ملک میں اداروں کا کام نہ کرنا ایک بہت بڑا مسئلہ ہے جبکہ پیمرا کی ذمہ داری ہےکہ وہ حکومت کےدباؤ میں آئےبغیراپنا فیصلہ کرے۔
ان کا کہنا تھا کہ سیاستدانوں کوسمجھنا ہو گاکہ اداروں کے خلاف تضحیک آمیز مہم سےریاست کمزورہوتی ہے اور اداروں کو کمزور کرنے میں حکومت اورن لیگ ایک دوسرےکی مدد کررہےہیں۔