چین کے دارلحکومت بیجنگ میں ہائی ٹیکنالوجی ایکسپو کا انعقاد کیا گیا جس میں دنیا بھر سے 14ممالک کی 1600کمپنیوں نے حصہ لیا اور ان کے نت نئے روبوٹس اور جدید مشینری لوگوں کی توجہ کا مرکز بن گئی۔
ہر سال منعقد کئے جانے والے اس میلے میں عالمی شہرت یافتہ کمپنیز نے اپنے اسٹال لگائے تھے جہاں جدید ترین موبائل فونز، کمپیوٹرز، ایل ای ڈیز، الیکٹرانک گاڑیاں، روبوٹس اور گھڑیاں نمائش کے لئے رکھی گئی تھیں جسے دیکھنے کے لئے سیاحوں کی بڑی تعداد نے یہاں کا رخ کیا۔
جدید مصنوعات کی اس نمائش میں اسمارٹ فریج،الیکٹرک کارز،ہوم روبوٹس، جدید ڈرونز، جدید مشینری اور اسی طرح کی کئی انوکھی اوردلچسپ ایجادات یہاں آنے والے لوگوں کے لئے دلچسپی کا باعث بنی رہیں۔
چار روزہ جاری رہنے والے اس میلے میں لاکھوں افراد نے شرکت کی اور خوب محظوظ ہوئے۔