نیب ہیڈ کوارٹرز اسلام آباد میں سابق صدرآصف علی زرداری اور ان کے صاحبزادے پیپلز پارٹی کے چیئرمین بلاول بھٹو زرداری کی پیشی کےموقع پر بلاول بھٹو زرداری کےترجمان مصطفیٰ نواز کھوکھر پولیس سے الجھ پڑے، اس موقع پر 38 کارکن گرفتار ہوئے۔
آصف زرداری اور بلاول کی نیب میں پیشی کے موقع پر حراست میں لیے گئے کارکنوں کی رہائی کے لیے مصطفیٰ نواز کھوکھر پولیس سے الجھے۔
بلاول بھٹو زرداری کےترجمان مصطفیٰ نواز کھوکھر نے میڈیا سے گفتگو کرتے ہوئے کہا کہ پرامن احتجاج ہر سیاسی پارٹی کا حق ہے، رکاوٹیں لگا کر کارکنوں کو روکنا جمہوریت کی نفی ہے۔
انہوں نے مزید کہا کہ حکومتی اراکین کے خلاف بھی ریفرنسز ہیں، نیب کا صرف اپوزیشن رہنماؤں کو نشانہ بنانے سے سیاسی انتقام کا تاثر ملتاہے۔
پولیس کے مطابق نیب کے ہیڈکوارٹر کے باہر پیپلز پارٹی کے کارکنوں اور پولیس کے درمیان تصادم میں 6 اہلکارزخمی ہوئے ہیں جنہیں ابتدائی طبی امداد دی جا رہی ہے
پولیس سے تصادم کے دوران پیپلزپارٹی کے 38 کارکنوں کو گرفتار کیا گیا ہے۔