مشہور کہاوت ہے کہ علم حاصل کرنے کے لئے عمر اور وقت کی کوئی قید نہیں،بیونس آئرس کی معمر خاتون نے اس جملے کو حقیقی زندگی میں ثابت کر دکھایا۔
جی ہاں 99سالہEusebia Leonor Cordalنہ صرف بیونس آئرس کی بلکہ دنیا کی معمر ترین طالبہ ہیں جو ایک پرائمری اسکول میں زیر تعلیم ہیں۔
لیونر بچپن میں غربت کی وجہ سے تعلیم حاصل نہیں کر پائیں تھیں جبکہ جوانی میں پیٹ بھرنے کیلئے روزی روٹی کی تلاش میں اس خواہش کو پورا نہیں کرسکیں۔
انہوں نے 98برس کی عمر میں اسکول میں داخلہ لیا اور اب وہ دل لگا کر علم حاصل کررہی ہیں۔خاتون کا کہنا ہے کہ وہ اپنی تعلیم کے ساتھ ساتھ کمپیوٹر بھی سیکھنا چاہتی ہیں۔