پاکستان کی ویمن کرکٹر ثنا میر نے ورلڈ ریکارڈ بنالیا،انٹرنیشنل کرکٹ کونسل ( آئی سی سی ) نے بھی مبارک باد دی۔
ثنا میر ویمن ون ڈے کرکٹ کی کامیاب ترین اسپنر بن گئیں۔
انہوں نے جنوبی افریقا کے خلاف تیسرے ایک روزہ میچ میں سب سے زیادہ وکٹیں لینے کا ریکارڈ اپنے نام کرلیا۔
ثنا میر نے مجموعی طور پر 147 وکٹیں حاصل کرلیں،پاکستانی ویمن کرکٹر نے ویسٹ انڈیز کی انیسہ محمد اور آسٹریلیا کی لیسا اسٹالیکر کو پیچھے چھوڑدیا۔
سماجی رابطے کی ویب سائٹ ٹوئٹر پر آئی سی سی نے ثنا میر کو ورلڈ ریکارڈ بنانے پر مبارک باد دی اور ان کی کارکردگی کو سراہا ہے۔