کبھی کبھی ہمیں ایسے واقعات دیکھنے کو ملتے ہیں جن پر حیرت کے ساتھ ساتھ بے اختیار پیار بھی آجاتا ہے۔
ایسا ہی ایک واقعہ برطانیہ میں اس وقت دیکھنے میں آیا جب ایک بگلے نے ایک اسٹور میں دبنگ انٹری دی، بریڈ کا پیکٹ منہ میں دبایا اور ٹہلتا ہوا وہاں سے روانہ ہونے کی کوشش کرنے لگا۔
اس ہی دوران اسٹور کی کیشیئر نے اسے رنگے ہاتھوں پکڑ لیا جس کے بعد یہ بریڈ کا پیکٹ وہیں چھوڑ کر فرار ہوگیا۔ ننھے پرندے کی یہ بے سا ختہ ادا سوشل میڈیا پر وائرل ہورہی ہے اور لوگ اسے دیکھ کر حیرت زدہ رہ گئے ہیں۔