لاہور میں گلبرگ کے علاقے میں ڈولفن فورس کے اہلکاروں کی فائرنگ سے زخمی ہونے والے نوجوان کے والد کی مدعیت میں اہلکاروں کے خلاف اقدام قتل کی دفعات کے تحت مقدمہ درج کر لیا گیا۔
مقدمہ زخمی نوجوان کے والد عبد الرشید کی مدعیت میں درج کیا گیا، جس میں ڈولفن اہلکار رفاقت، آصف ، ذیشان اور وسیم کے خلاف اقدام قتل کی دفعات شامل کی گئی ہیں۔
ایف آئی آر کے متن کے مطابق زخمی نوجوان کے والد نے بتایا کہ بیٹا والدہ کی دوائی لینے نکلا کہ ڈولفن اہلکاروں نے فائرنگ کرکے اسے زخمی کر دیا۔
دوسری جانب پولیس کا موقف ہے کہ چاروں ڈولفن فورس کے اہلکاروں کو گرفتار کرکے ان سے تفتیش جاری ہے ۔