لاہور کی مقامی عدالت نے غیر قانونی طور پر مگر مچھ اور اژدھے رکھنے کے الزام میں گلوکارہ اور ماڈل رابی پیرزادہ کے وارنٹ گرفتاری جاری کردیے۔
عدالتی حکم کے باوجود رابی پیرزادہ جوڈیشل مجسٹریٹ حارث صدیقی کے روبرو پیش نہ ہوئیں جس کے بعد عدالت نے ان کے قابل ضمانت وارنٹ گرفتاری جاری کیے۔
واضح رہے کہ رابی پیرزادہ کے خلاف وائلڈ لائف حکام نے 11 ستمبر کو چالان پیش کیا تھا جس میں ان پر غیر قانونی طور پر اژدھا، مگرمچھ اور سانپ رکھنے کا الزام تھا۔
دوسری جانب اداکارہ نے اپنی ویڈیو میں اعتراف کیا تھا کہ وہ 5 سال سے ان سے کھیل رہی ہیں تاہم یہ ان کی ملکیت نہیں ہیں۔