ریویو کے دوران تکنیکی خرابی پر پی سی بی کا موقف سامنے آگیا۔
ترجمان پاکستان کرکٹ بورڈ (پی سی بی) کا کہنا ہے کہ ریویو کے موقع پر ہاک آئی کا سافٹ ویئر فریز ہوگیا تھا۔
پی سی بی کا کہنا ہے کہ قوانین کے مطابق فیلڈ امپائر کا فیصلہ برقرار رکھا گیا جبکہ الٹرا ایج سافٹ ویئر ہاک آئی کے تحت چلتا ہے۔
واضح رہے کہ کوئٹہ گلیڈی ایٹرز اور کراچی کنگز کے میچ میں امپائر کے فیصلے پر ریویو کے دوران الٹرا ایج سافٹ ویئر نہ چل سکا۔
پی ایس ایل فائیو کے میچ کے دوران تھرڈ امپائر کو کراچی کنگز کے ریویو پر تکنیکی مدد کے بغیر صرف سلوموشن دیکھ کر فیصلہ کرنا پڑا۔
سافٹ ویئر نہ چلنے کی وجہ سے نسیم شاہ کی گیند پر بابر اعظم کو اندازے سے ناٹ آؤٹ قرار دے دیا گیا۔