عالمی وبا کورونا وائرس کے پیش نظر دنیا کے متعدد ممالک میں لاک ڈاؤن کی صورتحال ہے جس کے نتیجے میں برطانیہ میں پھنسے پاکستانیوں کے لیے پاکستان ہائی کمیشن کی جانب سے نئی ہدایات جاری کی گئیں ہیں۔
پاکستان ہائی کمیشن کی جانب سے جاری کیے گئے اعلامیے کے مطابق جن پاکستانیوں کے ویزے ختم ہو چکے ہیں یا ہو نے والے ہیں ہائی کمیشن سے رابطہ کریں، ہائی کمیشن سے رابطہ بذریعہ ای میل کیا جا سکتا ہے۔
پاکستان ہائی کمیشن کی جانب سے جارہ کی گئیں ہدایات میں کہا گیا ہے کہ برطانوی حکومت صورتحال کو سمجھتے ہوئے یہ مسئلہ حل کرے گی۔
پاکستان ہائی کمیشن کے مطابق لندن ہائی کمیشن سے ویزہ ختم ہونے والے لاتعداد پاکستانیوں کی جانب سے رابطہ کیا گیا ہے۔