وزیراعلیٰ بلوچستان جام کمال خان کی زیرصدارت اعلی سطح کے اجلاس میں سول سیکریٹریٹ کے بند محکموں کو محدود اسٹاف کے ساتھ کھولنے کا فیصلہ کیا گیا ہے۔
اجلاس میں یہ فیصلہ بھی کیا گیا کہ سول سیکریٹریٹ میں وزیٹرز کا داخلہ ممنوع ہو گا۔
وزیر اعلیٰ بلوچستان کا اجلاس میں کہنا تھا کہ کورونا وائرس روز مرہ کی زندگی کا حصہ بنتا جارہا ہے۔
انہوں نے کہا کہ احتیاطی تدابیر پر عملدرآمد ہی وائرس سے بچنے کا واحد طریقہ ہے۔
وزیراعلیٰ بلوچستان کا کہنا ہے کہ عوام میں احتیاطی تدابیر کے ساتھ علاج اور خوراک سے معلق آگہی مہم شروع کی جائے۔
جام کمال نے صوبے میں ملیریا کنٹرول پروگرام پر موثر عملدرآمد کی بھی ہدایت کی۔
وزیراعلیٰ بلوچستان نے کہا کہ تمام کمشنرز اور ڈپٹی کمشنرز ملیریا کنٹرول اسپرے کا آغاز کریں۔