چیئرمین این ڈی ایم اے کا کہنا ہے کہ عید الاضحی پر ایس او پیز پر سختی سے عمل کیا جائے ایسا نہ ہو جیسے عید الفطر پر ہوا تھا۔
چیئرمین این ڈی ایم اے محمد افضل نے میڈیا سے گفتگو کرتے ہوئے کہا کہ مویشی منڈیوں میں ایس او پیز پر عمل درآمد کے لیے اقدامات کریں گے۔
انہوں نے کہا کہ ڈاکٹرز ہمارے فرنٹ لائن سولجر ہیں ان کو سلام پیش کرتا ہوں، کورونا سے نمٹنے کے لیے کم وقت میں بہترین سہولیات فراہم کیں ہیں۔
چیئرمین این ڈی ایم اے نے کہا کہ ٹڈی دَل کے انسداد کے لیے پہلے ہمارے پاس صرف 4 جہاز تھے اور اس وقت 9 جہاز ہیں۔
انہوں نے مزید کہا کہ ٹڈی دل کے انسداد کے لیے بھی اقدامات کیے جارہے ہیں۔