کراچی کے علاقے محمود آباد میں باپ نے فائرنگ کر کے بیٹے کو قتل کر دیا پولیس کا کہنا ہے فائرنگ کا واقعہ گھریلو جھگڑے کے دوران پیش آیا ہے۔
محمود آباد کشمیر کالونی میں فائرنگ سے نوجوان ہلاک ہوگیا مقتول کی شناخت انیس کے نام سے کی گئی ہے۔
پولیس کا کہنا ہے کہ گھریلو جھگڑے کے دوران باپ نے فائرنگ کردی جس سے بیٹا موقع پر ہی جاں بحق ہوگیا۔ فائرنگ کے بعد باپ موقع سے فرار ہوگیا۔
پولیس نے واقعے کے شواہد اکٹھے کرنے کے بعد تفتیش شروع کردی ہے جبکہ ضابطے کی کارروائی کے بعد لاش ورثاء کے حوالے کردی گئی ہے۔