خیبر پختون خوا کے مردان ڈویژن کے ضلع صوابی میں مکان کی چھت گر گئی جس کے نتیجے میں 5 افراد جاں بحق ہو گئے۔
ریسکیو ذرائع کے مطابق صوابی کے علاقے موسیٰ بانڈہ میں بارش کے باعث مکان کی چھت گرنے کا واقعہ پیش آیا ہے۔
مکان کے ملبے تلے دب کر 3 بچوں سمیت 5 افراد جاں بحق اور 2 زخمی ہو گئے، زخمیوں کو طبی امداد کے لیے اسپتال منتقل کر دیا گیا ہے۔
اس واقعے کے بعد خیبر پختون خوا میں سیلاب اور بارش سے پیش آنے والے مختلف حادثات کے نتیجے میں جاں بحق افراد کی تعداد 29 ہوگئی۔
یہ بھی پڑھیئے: کوہاٹ، چھت گر گئی، میاں بیوی جاں بحق
لینڈ سلائیڈنگ سے گلگت بلتستان کا ملک کے دیگر حصوں کے ساتھ زمینی رابطہ منقطع ہو گیا ہے۔