کوئٹہ میں عبدالقادر بلوچ مسلم لیگ نون کےہم خیال ساتھیوں سے مشاورتی اجلاس میں شرکت کے لیے میٹرو پولیٹن کارپوریشن کے سبزہ زار پر سجائے گئے پنڈال پہنچ گئے ہیں، ان کی جانب سے آج نون لیگ سے مستعفی ہونے کا اعلان متوقع ہے۔
اس سے قبل کوئٹہ میٹرو پولیٹن کارپوریشن کے سبزہ زار پر عبدالقادربلوچ کی زیرِصدارت نون لیگ کےہم خیال ساتھیوں کے اجلاس کی تیاریاں مکمل کر لی گئی تھیں۔
عبدالقادر بلوچ آج کے اجلاس میں مشاورت کے بعد آئندہ کے لائحہ عمل کا اعلان کریں گے، عبدالقادر بلوچ کا اجلاس میں ہم خیال ساتھیوں کے ہمراہ نون لیگ سے باقاعدہ مستعفی ہونے کا اعلان بھی متوقع ہے۔
عبدالقادر بلوچ کے ہمراہ مختلف ڈویژنل و ضلعی رہنماؤں کا بھی نون لیگ سے مستعفی ہونے کا اعلان متوقع ہے۔