پنجاب کے ضلع رحیم یار خان میں ٹمبر مافیا نے مبینہ طور پر تشدد کر کے مخبر کو ہلاک کر دیا اور فرار ہوگئے، پولیس نے مقدمہ درج کرلیا ہے۔
پولیس کے مطابق رحیم یار خان کے علاقے آباد پور میں ٹمبر مافیا کے 5 افراد نے گھر میں گھس کر 40 سالہ خاوند بخش کو لکڑی چوری کرنے کی مخبری کے الزام میں مبینہ طور پر ڈنڈوں سے تشدد کا نشانہ بنایا۔
ملزمان کے تشدد کے نتیجے میں خاوند بخش جاں بحق ہوگیا جبکہ ملزمان فرار ہو نے میں کامیاب ہوگئے ہیں۔
پولیس نے مقتول کے بھائی کی مدعیت میں مقدمہ درج کر کے کارروائی شروع کر دی ہے۔