حسن طارق رحیم میموریل اوپن ٹینس چیمپئن شپ کے چوتھے روز ڈبلز مقابلوں میں عقیل خان اور شہزاد خان کی جوڑی نے فتح حاصل کی، مزمل مرتضیٰ اور مدثر مرتضیٰ پر مشتمل بھائیوں کے پیئر نے بھی فتح سمیٹی۔
لاہور جیم خانہ میں جاری چیمپئن شپ کے مینز ڈبلز مقابلوں میں عقیل خان اور شہزاد خان نے زبردست مقابلے کے بعد عمران اور طارق کو 1-6 اور 3-6 سے مات دی۔
دوسرے میچ میں ایم عابد اور وقاص نے احمد اور شعیب کو 3-6 اور 4-6 سے ہرایا۔
مدثر اور مزمل پر مشتمل بھائیوں کی جوڑی نے ثاقب اور نعمان کو 2-6 اور 2-6 سے شکست دی۔
چوتھے اور آخری ڈبلز میں ہیرا اور یوسف نے احمد چوہدری اور ابدال کے خلاف کامیابی پائی.
بوائز انڈر 18 مقابلوں میں ایم شعیب نے مہاتیر محمد کو 1-6 اور 0-6 سے جبکہ عاقب حیات نے ہشیش کمار کو 0-6 ، 6-4 اور 4-6 سے ہرایا۔