آرزو فاطمہ کے مبینہ اغوا اور کم عمری میں شادی کے معاملے پر مقامی عدالت نے فیصلہ سنادیا۔
جوڈیشل مجسٹریٹ جنوبی کی عدالت نے آرزو کے اغوا اور کم عمری میں شادی سے متعلق پولیس چالان منظور کرتے ہوئے فیصلہ سنایا۔
عدالت نے آرزو کے شوہر علی اظہر کے خلاف سندھ میرج ایکٹ اور کم عمر لڑکی سے زیادتی کے تحت مقدمہ چلانے کا حکم دیا۔
جوڈیشل مجسٹریٹ جنوبی نےاس معاملےمیں نکاح خواں اور جسٹس آف پیس کے خلاف سہولت کاری کا مقدمہ چلانے کا حکم بھی دیا۔
عدالت نے اپنے حکم میں کہا کہ نکاح کے گواہان، وکیل محمود حسین اور اسسٹنٹ جنید کے خلاف بھی سہولت کاری کی دفعات کے تحت ٹرائل کیا جائے۔
عدالتی فیصلےمیں ملزم علی اظہر کے بھائی محسن علی کے خلاف شواہد چھپانے کا مقدمہ چلانے کا کہا گیا ہے۔
جوڈیشل مجسٹریٹ جنوبی کی عدالت کے فیصلے میں کہا گیا کہ کم عمر بچے کے ساتھ زیادتی کا مقدمہ سیشن عدالت میں چل سکتا ہے۔
عدالت نے مقدمے کو مزید سماعت کے لیے سیشن عدالت کو بھیج دیا ہے۔