سنگاپور میں کورونا وائرس کے بڑھتے کیسز کے پیشِ نظر پابندیوں میں سختی کردی گئی ہے۔
نئی پابندیوں کے مطابق ریسٹورنٹس میں بیٹھ کر کھانا کھانے پر پابندی اور دو سے زائد افراد کے اجتماع پر پابندی ہوگی، پابندی16 مئی سے13 جون تک رہے گی۔
انگلینڈ میں پیر سے پابندیوں میں مزید نرمی کی جائے گی، برطانوی وزیر ناظم زھاوی کا کہنا ہے کہ انگلینڈ اپنے کووڈ 19 کی پابندیوں کی بتریج کمی کے اقدام کو آگے بڑھائے گا۔
انہوں نے کہا کہ انگلینڈ میں بھارتی قسم کا خطرہ موجود ہے لیکن ویکسین کام کررہی ہے۔
دوسری جانب امریکی ہیلتھ ایجنسی سینٹر فار ڈیزیز کنٹرول (سی ڈی سی) نے کورونا سے بچاؤ کی دونوں ویکسین لگوانے والوں کے لیے ماسک کی پابندی اٹھانے کا اعلان کر دیا، صدر جو بائیڈن کی جانب سے اعلان کا خیر مقدم کیا گیا ہے۔