چین نے عالمی وباء کورونا وائرس کے پھیلاؤ سے متعلق الزامات مسترد کردیے۔
چین کا کہنا ہے کہ ووہان لیبارٹری میں کورونا وائرس پر کوئی تحقیق نہیں ہوئی، لیبارٹری کا کوئی ملازم بھی وائرس کا شکار نہیں ہوا۔
چین نے دوٹوک الفاظ میں کہا کہ جب تحقیق نہیں ہوئی تو کسی وائرس کے لیک ہونے کا سوال ہی پیدا نہیں ہوتا۔
ماہرین کی متفقہ رائے ہے کہ وائرس قدرتی طور پر سامنے آیا، کچھ عرصے پہلے بھارتی تحقیق کاروں نے کورونا کے انسانی تخلیق ہونے کی قیاس آرائیاں کی تھیں، تاہم عالمی تنقید کے بعد ریسرچ پیپر واپس لے لیا تھا۔