ٹوکیو میں مسلسل دوسرے روز کورونا کے ریکارڈ 3 ہزار کیسز

اولمپک کی میزبانی کرنے والے جاپان کے شہر ٹوکیو میں مسلسل دوسرے روز کورونا کے ریکارڈ 3 ہزار کیسز رپورٹ ہوئے۔

جاپانی حکام کے مطابق شہر میں کورونا وائرس کی نئی بھارتی قسم ڈیلٹا کے کیسز میں غیرمعمولی اضافہ ہورہا ہے۔

بھارت، خاتون ڈاکٹر 1سال میں تیسری بار کورونا میں مبتلا

دنیا بھر میں عالمی وبا کورونا وائرس کی چوتھی لہر کے حلمے اور پھیلاؤ جاری ہے جبکہ متعدد ملکوں میں ڈیلٹا ویرئینٹ بھی سر اٹھا رہا ہے۔

ٹوکیو کے قریبی تین ریجن کے گورنروں نے مرکزی حکومت سے ہنگامی صورتحال نافذ کرنے کی درخواست کردی ہے جبکہ ٹوکیو میں پہلے ہی ہنگامی صورتحال کا نفاذ برقرار ہے۔

اولمپک کھیلوں میں شریک مزید 16 افراد میں کورونا وائرس کی تصدیق ہوئی جس کے بعد مجموعی کیسز کی تعداد169 ہوگئی ہے۔