سپریم کورٹ آف پاکستان نے رحیم یارخان مندر حملہ از خود نوٹس کیس سماعت کے لیے مقرر کر دیا۔
چیف جسٹس پاکستان گلزار احمد کی سربراہی میں سپریم کورٹ کا 3 رکنی بینچ 28 ستمبر کو رحیم یارخان مندر حملہ از خود نوٹس کیس کی سماعت کرے گا۔
عدالتِ عظمیٰ نے اس کیس کے سلسلے میں آئی جی، چیف سیکریٹری اور ایڈوکیٹ جنرل پنجاب کو نوٹسز جاری کر دیئے ہیں۔
واضح رہے کہ سپریم کورٹ آف پاکستان نے 5 اگست کو رحیم یار خان کے گاؤں میں واقع مندر پر حملے کا نوٹس لیا تھا۔