فرمان الہی
نماز کے اوقات
کراچی میں تیز رفتار کار نے فٹ پاتھ پہ سوئے ہوئے 5 بھائیوں روند ڈالا، حادثے میں 2 بھائی ہلاک اور 3 زخمی ہوگئے، ڈرائیور مبینہ طور پر نشے میں تھا، عینی شاہد نے واقعہ دو کاروں کی ریس کا شاخسانہ قرار دیا ہے۔
ناگن پل کے پاس تیز رفتار کار فٹ پاتھ پہ سوئے ہوئے 5 بھائیوں پر چڑھ گئی، جس سے 8 برس کا اشوک اور اسکا بائیس برس کا بھائی بالی ہلاک ہوگئے۔ 17 برس کا سری رام، 14 برس کا سیتا رام اور 7 برس کا لالی زخمی ہوئے، ہلاک بالی شادی شدہ اور 1 بچے کا باپ تھا۔
حادثے میں بچ جانے والے چھٹے بھائی ستارہ نے جیو نیوز کو بتایا کہ وہ اور اسکے بھائی سبزی اور فروٹ کے ٹھیلے لگاتے ہیں، واقعہ کے وقت فٹ پاتھ پہ 6 خاندانوں کے لوگ سورہے تھے۔
لواحقین اور زخمیوں کے اہلخانہ کا کہنا ہے کہ وہ غریب لوگ ہیں انکی مدد کی جائے۔
پولیس کے مطابق کار چلانے والا نشے میں تھا، کار میں 2 افراد سوار تھے، واقعہ کے بعد دونوں کار سے اتر کر پیدل بھاگ گئے، کار کی رجسٹریشن نمبر کی مدد سے ملزمان کو پکڑنے کی کوشش کی جارہی ہے۔ شواہد اکٹھے کرلیے گئے ہیں۔
