• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشاور پولیس کامنشیات فروشوں کیخلاف کریک ڈائون‘27 گرفتار

میرا شہر
پشاور
06 اگست ، 2019
پشاور( کرائم رپورٹر) کیپٹل سٹی پولیس پشاور نے منشیات کے خلاف جاری کریک ڈاون میں کامیاب کارروائیوں کے دوران منشیات کے مکروہ دھندہ اور دیگر جرائم میں ملوث 27 ملزمان کو گرفتار کر لیا ، گرفتار ملزمان کے قبضہ سے مجموعی طور پر36 کلو گرام اعلی کوالٹی چرس، 72 بوتل شراب اور 5 عدد کلوشنکوف برآمد کر لئے گئے ، ۔تفصیلات کے مطابق کامیاب کارروائیوں کے دوران 27 ملزمان کو گرفتار کر لیا ہے۔ملزم طاہر ولد رحمت گل جو گاڑی کے ذریعے منشیات سمگل کرنے کی کوشش کر رہا تھا کو گرفتار کر کے تلاشی لینے پر گاڑی سے5 کلو گرام چرس ملزمان امین خان ولد زیارت گل ،عبد الودود ولد گل مت شاہ اور ہمایون ولد عبد الغفور کو گرفتار کرکے ان کے قبضہ سے9 کلو گرام چرس ملزم فاروق ولد ملنگ شاہ سے4 کلو گرام چرس ، عثمان ولد شیر محمد اور نعمت خان ولد مسافر کو گرفتار کرکے ان کے قبضے سے 4 کلو گرام چرس، ملزمان سرفراز اور سلیمان کو گرفتار کرکے ان کے قبضے سے 3 کلو گرام چرس بر آمدکر لی ہے، اسی طرح تھانہ پھندو،تھانہ خزانہ،تھانہ تہکال، متنی، انقلاب، گلبہار،تہکال،مچنی گیٹ اور گلبرگ پولیس نے 15 ملزمان کو گرفتار کرکے ان کے قبضہ سے مجموعی طور پر 10 کلو گرام چرس،72 بوتل شراب اور5 عدد کلا شنکوف برآمد کر لئے ، تمام گرفتار ملزمان نے ابتدائی تفتیش کے دوران منشیات فروشی اور دیگر جرائم میں ملوث ہونے کا اعتراف کر لیا ہے جن کے خلاف مقدمات درج کرکے مزید تفتیش جاری ہے۔
تازہ ترین