• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مسلمانوں کو غیر مستحکم کرنے کیلئے دشمن پوری قوت صرف کر رہا ہے ،حامد موسوی

میرا شہر
اسلام آباد
22 مئی ، 2021
اسلام آباد ( خصوصی نمائندہ) قائد ملتِ جعفریہ آغاسیدحامدعلی شاہ موسوی نے جمعہ کو چمن بلوچستان میں فلسطین یکجہتی ریلی کے قریب دھماکے کی مذمت کرتے ہوئے اس مذموم کارروائی کو مظلومین فلسطین کی لہو رنگ تحریک سے خوفزدہ صہیونی شیطانی قوتوں کا شاخسانہ قرار دیا ہے۔ جمعہ کو ملک بھر میں منائے جانے والے یوم مردہ باد داسرائیل کی تقریب سے خطاب کرتے ہوئے انہوں نے کہا کہ ہمارا مشترکہ دشمن اپنی پوری قوت مسلمانوں کو غیر مستحکم کرنے پر صرف کر رہا ہے لیکن وہ فلسطینیوں کی تحریک آزادی کو روک نہیں روک سکاجو قربانیوں سے مزید آگے بڑھ رہی ہے اور ضرور کامیاب ہو گی ۔درایں اثناء جمعہ کو فلسطینیوں سے اظہار یکجہتی کے لیے اسلام آباداور راولپنڈی سمیت دیگر شہروں میں احتجاجی مظاہرے اور ریلیاں نکالی گئیں ۔جامع مسجدقصرخدیجۃ الکبریٰ ترلائی کلاں سے احتجاجی ریلی نکالی گئی جس سے خطاب کرتے ہوئے علامہ بشارت حسین امامی نے کہا کہ ہمارے نزدیک فلسطین و کشمیر کے مسائل کے لا ینحل رہنے کا سب سے بڑا سبب امتِ مسلمہ کا اندرونی افتراق و انتشار ہے۔جامع مسجدقصرابوطالب مغل آباد ، حالی روڈ ، سیٹلائٹ ٹاون میں بھی مظاہرے کئے گئے۔
تازہ ترین