پنجاب حکومت کے ترجمان حسان خاور کا کہنا ہے کہ وزیر اعظم عمران خان اور وزیر اعلیٰ پنجاب عثمان بزدار کا استحقاق ہے کسی بھی شخص کو تبدیل کرسکتے ہیں، میری تبدیلی کی خبریں بے بنیاد ہیں۔
حسان خاور نے میڈیا سے گفتگو کرتے ہوئے کہا کہ مستقبل روشن بنانے کیلئے ہم سب کو مل کر چلنا ہو گا۔
انہوں نے کہا کہ پنجاب حکومت کی کارکردگی بہترین ہے، صوبائی حکومت صوبے کا تاریخی پروگرام ہیلتھ کارڈ لیکر آرہی ہے۔
ان کا یہ بھی کہنا ہے کہ اپوزیشن اس وقت وینٹی لیٹر پر ہے، میرا کام حقائق بتانا ہے، فسانوں کی دنیا میں نہیں رہ سکتا۔
ترجمان پنجاب حکومت نے کہا کہ ہماری کارکردگی ہمارا ثبوت ہے، پہلے کام کم اور ڈھنڈورا زیادہ پیٹا جاتا تھا۔