افغانستان کے اسپنر راشد خان اور بیٹر رحمن اللّٰہ گرباز کراچی پہنچ گئے ہیں۔
دونوں افغان کرکٹرز پاکستان سپر لیگ (پی ایس ایل) 7 میں شرکت کے لیے پہنچے ہیں۔
پی ایس ایل میں راشد خان لاہور قلندرز اور رحمن اللّٰہ گرباز اسلام آباد کی نمائندگی کریں گے۔
دونوں افغان کرکٹرز 3 روزہ آئیسولیشن اور 2 نیگیٹو کورونا ٹیسٹ کے بعد اپنی ٹیم کو دستیاب ہوں گے۔
راشد خان اور رحمن اللّٰہ گرباز افغانستان اور نیدرلینڈز کے درمیان سیریز کے بعد پاکستان پہنچے ہیں۔