وزیراعظم عمران خان کے معاون خصوصی برائے امورِ نوجوانان عثمان ڈار نے کہا ہے کہ کراچی میں ترقی کا سہرا گورنر سندھ عمران اسماعیل کے سر جاتا ہے۔
کراچی میں تقریب سے خطاب میں عثمان ڈار نے کہا کہ کامیاب جوان پروگرام کے تحت 5 ارب روپے سندھ میں تقسیم کیے گئے، 3 ارب روپے صرف کراچی میں قرضوں کی صورت میں تقسیم کیے۔
انہوں نے کہا کہ وزیراعظم نے کراچی کے لیے 1 ہزار ارب روپے کا پیکیج دیا، عمران خان نے ہی کےفور اور گرین لائن منصوبہ شہر قائد کو دیا ہے۔
پی ٹی آئی رہنما نے مزید کہا کہ میں گورنر سندھ کا مشکور ہوں کہ وہ صوبے میں حکمران جماعت کی بہترین نمائندگی کرتے ہیں۔
اُنہوں نے کہا کہ ورکرز کو کہنا چاہتا ہوں کامیاب جوان پروگرام کا حصہ بنیں۔