وزیراعظم شہباز شریف نے ترکیہ کے صدر رجب طیب اردوان سے ٹیلیفون پر بات کرتے ہوئے کہا کہ آزمائش کی اس گھڑی میں پاکستان اپنے بھائی ترکیہ اور اس کے عوام کے ساتھ ہے۔
وزیراعظم نے زلزلے سے ہونے والی تباہی پر اظہار افسوس کیا، انہوں نے کہا کہ قیمتی انسانی جانوں کے ضیاع پر بےحد رنجیدہ ہیں، غمزدہ خاندانوں سے دلی ہمدردی اور تعزیت کرتے ہیں۔
ان کا کہنا تھا کہ زلزلے کی تباہی سے نمٹنے میں ترکیہ کی حکومت اور عوام سے بھرپور تعاون کریں گے۔
شہباز شریف نے کہا کہ موسمیاتی تبدیلیوں کی تباہی کی شدت بڑھ رہی ہے، قدرتی آفات اور موسمیاتی تباہی کسی سرحد، خطے اور مخصوص قوم تک محدود نہیں۔
انہوں نے جاں بحق افراد کی مغفرت، اہل خانہ کے لیے صبر جمیل کی دعا کی۔
ترکیہ کے صدر نے ٹیلیفون اور حمایت کرنے پر وزیراعظم شہباز شریف کا شکریہ ادا کیا۔
صدر طیب اردوان نے کہا کہ آپ کے اور پاکستانی عوام کے جذبات کی قدر کرتا ہوں۔